Në kryeartikullin e gazetës kineze "Renminribao" të së martës me titull "Me ishujt Diaoyu të Kinës nuk mund të bëjnë pazar të tjerët" vihet në dukje se ishujt Diaoyu janë që nga lashtësia pjesë territoriale e Kinës. Qeveria japoneze shpalli të hënën blerjen e këtyre ishujve, gjë që përbën shkelje serioze të sovranitetit territorial të Kinës. Lidhur me këtë qeveria dhe populli kinez shprehin kundërshtimin e vendosur dhe protestën e ashpër. Sado që të mundohet qeveria japoneze, ajo nuk mund ta fshehë dot thelbin e një veprimi të tillë, që përbën bërje pazar me gjërat që u takojnë të tjerëve.
Në kryeartikull thuhet gjithashtu se veprimi i gabuar i Japonisë me ishujt Diaoyu është mohim dhe sfidë ndaj luftës antifashiste botërore. Qeveria dhe populli kinez do të mbrojnë me vendosmëri sovranitetin dhe tërësinë territoriale të vendit dhe e kanë aftësinë për ta bërë një gjë të tillë, vijon kryeartikulli i "Renminribao"-s, duke përfunduar se çdo orvatje e Japonisë lidhur me ishujt Diaoyu do të përfundojë me dështim. (Vera/Artani)