Kryetari i Këshillit Europian Herman Van Rompui dhe ministri grek i Financave Janis Sturnaras bënë vizita të martën në Berlin për të zhvilluar konsultime me qeverinë gjermane lidhur me krizën e borxheve.

Sipas njoftimeve, qeveria e Gjermanisë ka rezerva lidhur me planet e Komisionit Europian për krijimin e një mekanizmi rregullator bankar të integruar të BE-së.

Ndërkaq, gjatë takimeve të veçanta që zhvilluan me ministrin e Financave të Greqisë Sturnaras, homologu i tij gjerman Volfgang Shojble dhe ministri i Jashtëm Guido Vestervele ritheksuan se Athina duhet të zbatojë plotësisht planin mbi politikat e kursimit dhe të reformës për të cilat është rënë dakord me institucionet ndërkombëtare të ndihmës.

Sipas marrëveshjes përkatëse, gjatë dy vjetëve të ardhshëm Greqia duhet t'i shkurtojë me afro 11.5 miliardë euro shpenzimet buxhetore, por qeveria helene shpreson që afati i kryerjes së shkurtimeve të shtyhet edhe me dy vjet të tjera, deri në vitin 2016.

(Çan Jean/Artani)