Në një konferencë shtypi të organizuar të mërkurën, zëdhënësi i Ministrisë së Jashtme të Kinës, Hong Lei, u shpreh se Kina po i ndjek nga afër zhvillimet mbi procesin e palës japoneze, të ashtuquajtur "blerja e ishujve". Ai shtoi se pala kineze do të marrë të gjitha masat e duhura për të mbrojtur sovranitetin territorial të vendit.

Ai u shpreh për gazetarët se ishujt Diaoyu dhe ishujt përreth tij janë historikisht territor i Kinës.

"Çdo masë e njëanshme që merr pala japoneze mbi ishujt Diaoyu është e paligjshme dhe e pavlefshme. Vendosmëria dhe vullneti i qeverisë kineze për mbrojtjen e sovranitetit territorial të ishujve Diayu janë të forta dhe pala kineze do të ndërmarrë të gjitha masat e duhura për mbrojtjen e sovranitetit territorial." (Du/Albana)