Kina ka propozuar negociata serioze me palën japoneze për situatën e fundit në ishujt Diaoyu. Lajmi u bë i ditur të dielën nga zyra e zëdhënësve të Ministrisë së Punëve të Jashtme të Kinës përsa i përket hetimit të paligjshëm të Japonisë në ujërat e ishujve Diaoyu.
Sipas njoftimeve të mediave japoneze, një grup hetimor i dërguar nga Tokio u nis në mbrëmjen e së shtunës për në ishujt Diaoyu, i cili pritet të mbërrijë aty të dielën pasdite për të zhvilluar hetime të ndryshme detare.
Lidhur me këtë, Ministria e Punëve të Jashtme e Kinës ritheksoi se çdo veprim i njëanshëm i ndërmarrë nga pala japoneze është i paligjshëm dhe i pavlefshëm dhe nuk mund të ndryshojë faktin që ishujt Diaoyu janë territori i Kinës.
(Çan Jean/Albana)