I dërguari i posaçëm i Kombeve të Bashkuara për Sirinë, Lakhdar Brahimi, ka pranuar se po përballet me sfida të vështira gjatë punës së tij për ndërmjetësimin e paqes në Siri.

Brahimi u emërua të zëvendësojë ish-sekretarin e përgjithshëm të OKB-së Kofi Annan, si i dërguari i posaçëm për paqen në Siri, të premten.

Diplomati i lartë algjerian u shpreh se asnjë ndërmjetës nuk do të sjellë paqen në Siri pa përpjekjet e vetë popullit sirian:

(Soundbite/0820 Brahimi 1, English)

"Paqja do të vendoset nga vetë populli sirian. Në fund të fundit, nuk janë as ndërmjetësi e as Këshilli i Sigurimit ata të cilët do të sjellin paqen në Siri. Është vetë Siria."

Ai gjithashtu shtoi se ndërhyrja ushtarake nuk është pjesë e planit.

Brahimi, i cili ka qenë për një kohë të gjatë diplomat i OKB-së, ndihmoi në negociatat për fundin e luftës civile në Liban dhe ka punuar gjithashtu si i dërguar i posaçëm në Afganistan, Irak dhe Haiti. (Albana)