Ministri i Jashtëm i Kinës, Yang Jiechi, u takua gjatë paradites së të enjtes me ndihmësen e afërt të presidentit sirian, Bouthaina Shaaban.

Vizita bëhet në kuadër të përpjekjeve të Kinës për nxitjen e zgjidhjes politike të problemit të Sirisë.

Yang Jiechi u shpreh se vizita e znj. Shaaban i shërben shkëmbimit të pikëpamjeve lidhur me çështjen siriane.

"Unë dëgjova me kënaqësi opinionin tuaj për gjendjen në Siri dhe dëshiroj t'ju tregoj qëndrimin e Kinës. E di që do të takoheni me disa personalitete të institucioneve studimore të Kinës dhe mendoj që një e gjë e tillë do të ndihmojë në shtimin e njohjes reciproke," u shpreh kryediplomati kinez.

Nga ana e saj, Shaaban u shpreh se kjo vizitë shfaq vendosmërinë e presidentit dhe liderëve në Siri për komunikim me Kinën miqësore, dhe për ta njohur atë me gjendjen e tanishme në Siri.

Krahas Shaaban-it, pala kineze ka bërë të ditur që po merr në konsideratë të ftojë edhe palën opozitare siriane të vizitojë Pekinin. (Jiang Lei/Albana)