Në Pekin u zhvillua të martën një takim me pjesëmarrjen e diplomatëve të huaj, ku u diskutua për bashkëpunimin midis Kinës dhe vendeve të Evropës Qendrore e Lindore.

Ambasadorja malazeze Liljana Toskoviç tha se pas takimit të kryeministrit Wen Jiabao në prill të këtij viti në Varshavë me përfaqësuesit e lartë të Malit të Zi, qeveria e Podgoricës nisi punën konkrete për të thelluar bashkëpunimin.

Ndërsa ambasadori i Bosnjë-Hercegovinës, Amel Kovaçeviç tha se forcimi i bashkëpunimit mes Kinës dhe vendeve të Evropës Qendrore dhe Lindore do të sjellë përfitime të ndërsjellta.

Në prill të këtij viti, kryeministri i Kinës Wen Jiabao u takua në Varshavë me udhëheqësit e 16 vendeve të Evropës Qendrore dhe Lindore si dhe shpalli 12 masat strategjike për zhvillimin e bashkëpunimit midis Kinës dhe vendeve të kësaj pjese të kontinentit europian. (Vera/ Ardi Pulaj)