E diela e 12 gushtit shënoi ditën e fundit të Lojërave të 30-ta Olimpike Verore, në Londër.
204 anëtarët e Komitetit Ndërkombëtar Olimpik dhe më shumë se 10 mijë atletë ishin pjesë e kësaj Olimpiade, të cilët garuan në 26 lloje disiplinash sportive, me 300 medalje ari në total.
SHBA-ja, Kina dhe Britania e Madhe janë renditur në 3 vende të para në tabelën e medaljeve. Në Olimpiadën e Londrës, atletet femra kanë marrë pjesë pothuajse në të gjitha garat.
Delegacioni olimpik i Kinës ka marrë 38 medalje ari, 27 argjendi dhe 22 bronxi. Kina u rendit e dyta me një total prej 87 medaljesh.
Presidenti i Komitetit Ndërkombëtar Olimpik Zhak Rozhe u shpreh më 12 gusht i kënaqur si për organizimin ashtu edhe për arritjet e qindra atletëve. Lojërat e 31-ta Olimpike do të zhvillohen në Rio de Janeiro të Brazilit në vitin 2016. (Zhan Dian/Albana)