Trupat qeveritare dhe kryengritësit e armatosur vijuan të shtunën luftimet e ashpra në kryeqytetin e Sirisë Damask. Deri tani ende nuk ka njoftime për numrin e të vdekurve e të plagosurve gjatë këtyre luftimeve.　　

Ndërkaq, sekretarja amerikane e Shtetit Hilari Klinton u shpreh se ShBA-ja do të forcojë më tej përkrahjen ndaj opozitës siriane, duke i ofruar ndihmë në fushën e informacionit e të telekomunikacionit, si edhe në fonde, për të përshpejtuar rrëzimin nga pushteti të presidentit Bashar al-Asad. Ndërsa pala britanike bëri të ditur se nuk do t'u japë armë forcave antiqeveritare siriane, por do të forcojë kontaktet me to.

Sipas Agjencisë së Refugjatëve të OKB-së, deri në fund të korrikut afro 150 mijë sirianë kanë lënë vendin e tyre dhe janë vendosur në Jordani, Irak, Liban dhe Turqi.

(Çan Jean/Artani)