Zv.sekretari i përgjithshëm i OKB-së për veprimet paqeruajtëse Herve Ladsu mbërriti të martën në Damask, duke filluar një vizitë treditore në Siri. Gjatë qëndrimit në këtë vend ai do të zhvillojë bisedime me palët përkatëse për të vlerësuar gjendjen e rendit dhe situatën humanitare aty.

Ndërkohë, lidhur me fjalët e zëdhënësit të Ministrisë së Punëve të Jashtme të Sirisë se vendi i tij mund të kundërpërgjigjet me armë kimike në rast të një agresioni të huaj, Ministria e Jashtme e Rusisë shprehu po të martën shpresën se qeveria siriane do të zbatojë me korrektësi Protokollin e Gjenevës, duke mos përdorur armë kimike në luftë.

(Çan Jean/Artani)