I dërguari i posaçëm i OKB-së dhe i Lidhjes Arabe Kofi Anan mbërriti të dielën në Damask për të zhvilluar konsultime me funksionarët sirianë lidhur me zbatimin e planit të tij të paqes. Gjatë vizitës ai do të takohet edhe me presidentin e Sirisë Bashar al-Asad.

Sipas njoftimeve të mediave vendore, forcat detare siriane zhvilluan një manovër ushtarake me municion të vërtetë për të ngritur aftësinë mbrojtëse kundër agresionit të huaj.

Kohët e fundit gjendja në Siri ka ardhur duke u përkeqësuar dhe ka pasur luftime mes forcave qeveritare e kryengritësve të armatosur në pjesë të ndryshme të vendit, çka ka bërë që një numër i madh sirianësh të largohen nga vendi. Në një raport të fundit të Zyrës së Komisionarit të Lartë për Refugjatët të OKB-së në Bejrut, thuhet se tani në Liban jetojnë mbi 30 mijë refugjatë sirianë.

(Çan Jean/Artani)