Nënkryetari i shtetit i Kinës Xi Jinping u shpreh më 7 korrik në Pekin se Kina do të vazhdojë të trajtojë siç duhet divergjencat dhe fërkimet me vendet e tjera mbi bazën e mbrojtjes së sovranitetit të vet kombëtar, të sigurisë dhe të tërësisë së vet territoriale, dhe do të ruajë marrëdhëniet me vendet fqinje dhe qëndrueshmërinë e gjendjes rajonale.

Z. Xi i tha këto në ceremoninë e hapjes së Forumit Botëror të Paqes. Ai u shpreh gjithashtu se në të ardhmen Kina do të vazhdojë të thellojë bashkëpunimin dypalësh dhe atë rajonal, do të zhvillojë aktivisht marrëdhëniet miqësore me vendet fqinje dhe me ato të Azi-Paqësorit, si edhe do të nxitë nëpërmjet zhvillimit të vet zhvillimin e vendeve fqinje. (Vera/Artani)