Fuqitë e mëdha do të shkëmbejnë propozimet e tyre me Iranin për programin e tij bërthamor të martën në Stamboll. Bashkimi Europian deklaroi të hënën se ekspertë nga ShBA-ja, Britania, Franca, Rusia, Kina dhe Gjermania do të zhvillojnë bisedime të martën në Stamboll me Iranin.

Sipas deklaratës, palët do të qartësojnë propozimet e tyre për Iranin në fushën bërthamore, ndërkohë do të shqyrtohen edhe reagimet konkrete të Iranit pas marrëveshjes së arritur më herët në Moskë.

Po të martën, kryeministri iranian Ali Akabar Salehi u shpreh se problemi bërthamor i Iranit mund të zgjidhet vetëm nëpërmjet rrugës diplomatike dhe politike.

Vendi i tij do të kërkojë "fitim të ndërsjellë" gjatë bisedimeve, duke mbrojtur në të njëjtën kohë pa hezitim të drejtën e Iranit për shfrytëzimin paqësor të energjisë bërthamore. (Çan Jean/Leftion Peristeri)