Të martën paradite kryetari i shtetit i Kinës Hu Jintao zhvilloi një bisedë videofonike me tre kozmonautët e anijes kozmike kineze "Shenzhou 9". Kjo është hera e parë që kozmonautët kinezë arrijnë të shohin pamje nga Toka gjatë një bisede të tillë, sepse në bisedat videofonike të zhvilluara gjatë misioneve të kaluara hapësinore të Kinës, vetëm punonjësit në tokë mund t'i shihnin kozmonautët, ndërsa këta të fundit vetëm mund të flisnin e të dëgjonin.
Gjatë bisedës që zgjati tre minuta, kryetari Hu Jintao pyeti për shëndetin dhe ecurinë e punës të kozmonautëve dhe vlerësoi lart arritjen me sukses të lidhjes manuale të anijes kozmike "Shenzhou 9" me laboratorin hapësinor "Tianggong 1".
(Çan Jean/Artani)