"Nëse pesë anëtarët e përhershëm të Këshillit të Sigurimit plus Gjermaninë duan të arrijnë sukses gjatë dialogut, është e nevojshme që të përdorin një qasje të bazuar mbi dialogun dhe bashkëpunimin. Nuk është e mundur që duke pasur një qasje armiqësore ndaj kombit iranian, në të njëjtën kohë të zhvillosh bisedime."
Propozimet e të dy palëve, Iranit dhe gjashtë fuqive do të jenë mbi tryezë në bisedimet e ardhshme të Moskës javën e ardhshme.
Sanksionet e vendosura nga Shtetet e Bashkuara të Amerikës për shkak të programit bërthamor të Teheranit kanë përgjysmuar eksportin e natës iraniane.
Ndërkohë embargoja e vendosur nga Bashkimi Europian mbi naftën bruto të Iranit që do të hyjë në fuqi muajin e ardhshëm pritet të reduktojë me 18 për qind eksportin e naftës.
Ministri iranian i Naftës Rostam Ghasemi paralajmëroi se kërcënimet ushtarake dhe sanksionet ekonomike kundër vendit do të shkaktojnë rritjen e çmimit të naftës dhe paqëndrueshmëri në treg.
"Furnizimi i qëndrueshëm energji kërkon stabilitet politik dhe gjeopolitik. Prandaj nën hijen e sanksioneve ekonomike dhe kërcënimeve ushtarake, trendi i prodhimit të naftës nuk do të jetë në gjendje të përmbushë pritjet e konsumatorëve dhe prodhuesve."
Paralajmërimi erdhi gjatë një takimi të ministrave të OPEC-ut në Vjenë, i cili diskutonte rënien e çmimit të naftës bruto me 24 për qind gjatë muajit të kaluar.
Si SHBA-ja dhe Izraeli kanë treguar mundësinë e ndërhyrjes ushtarake kundër Iranit, pasi siç thonë ata është e papranueshme ta lejosh Iranin të përvetësojë armë bërthamore.
Irani këmbëngul se programi i tij bërthamor ka qëllime paqësore. (Leftion Peristeri)
