Suksesi i bisedimeve për çështjen bërthamore të Teheranit, që do të zhvillohen në Moskë, do të varet nga vendet perëndimore, deklaroi të martën zëdhënësi i Ministrisë së Punëve të Jashtme të Iranit, Ramin Mehmanparast.

Ndërsa ministri i mbrojtjes Ahmad Vasidi është shprehur se deklaratat mbi aktivitetin bërthamor të Iranit në bazën ushtarake Karçin janë të pabaza. I cituar nga mediat iraniane, ai thotë se përpjekjet dhe qëndrimet e fundit të vendeve perëndimore kanë për qëllim që të ndikojnë në bisedimet e rradhës, që do të zhvillohen në Moskë. (Vera/ Ardi Pulaj)