I dërguari i posaçëm i OKB-së dhe i Lidhjes së Shteteve Arabe Kofi Anan publikoi më 11 qershor një deklaratë, ku shprehet përsëri i shqetësuar lidhur me përshkallëzimin e konfliktit mes trupave qeveritare siriane dhe kryengritësve të armatosur.

Z. Anan përmend në deklaratë preokupimin për sulmet me artileri në Homs, si edhe për dislokimin e mortajave, helikopterëve dhe tankeve në Al-Haffa dhe Latakia. Ai u kërkon palëve përkatëse të marrin të gjitha masat e mundshme për të garantuar sigurinë e banorëve të thjeshtë, duke bërë njëkohësisht thirrje që të lejohet hyrja e vëzhguesve të OKB-së në Al-Haffa.

Ndërkohë, zëdhënësja e Departamentit amerikan të Shtetit Viktoria Nuland tha në një konferencë për shtypin se, në gjendjen e tanishme, ndërhyrja e huaj ushtarake në Siri nuk mund të shpëtojë jetë njerëzish.(Jiang Lei/Artani)