Përshkallëzimi i situatës në Siri me masakrat në Houla, Hama dhe Kabir ka shtuar zërat mes komunitetit ndërkombëtar për të ndërhyrë ushtarakisht për të ndryshuar pushtetin.

Një editorial i gazetës kinez "People's Daily", e konsideron këtë një justifikim të Perëndimit.

Editoriali vëren se në rajonin e Azisë Perëndimore ka shumë "vende të vogla", ku kontradiktat mes tyre janë të ndërlikuara.

"Pas ndryshimeve të ashpra në vitin 2011, në këtë rajon forcat ekstremiste janë dobësuar vazhdimisht, kurse forcat progresiste si vendet e Gjirit janë forcuar dhe po zgjerojnë ndikimin e tyre në rajon," shton gazeta.

Goditja e ashpër e forcave ekstremiste do të acaronte më tej situatën dhe do të ndryshonte ekuilibrat në rajon.

"Në qoftë se gjendja në Siri nuk mund të kontrollohet, ka mundësi që Siria do të shndërrohet në një Irak të dytë, parajsë e re për terroristët," thotë 'People's Daily'. (Du/Leftion Peristeri)