Grupi më i madh opozitar, jashtë Sirisë, Këshilli Kombëtar Sirian zgjodhi aktivistin kurd Abdulbaset Sieda, si udhëheqësin e saj. Sieda i bëri thirrje OKB-së të vendosë vëzhguesë në Homs.

"I bëj thirrje vëzhguesve ndërkombëtarë të shkojnë në Homs. Këshilli Kombëtar Sirian do të japë një fond emergjent prej tre milionë dollarësh për popullin sirian, që po vuan në zonat e shkatërruara. Gjithashtu i bëjmë thirrje përfaqësuesve të forcave të armatosura dhe qeverisë, që të braktisin regjimin aktual", tha Abdulbaset Sieda.

Sieda ishte kandidati i vetëm për të zëvendësuar Burhan Ghalioun dhe u zgjodh me konsensus gjatë një takimi në Stamboll. Ghalioun dha dorëheqjen tre javë më parë pas kritikave se Këshilli ka humbur lidhjet me realitetin brenda Sirisë. (Ardi Pulaj)