Qeveria e Damaskut mohoi zërat se është ajo shkaktarja e incidentit të vrasjeve në Hama të Sirisë Qendrore.

Mediat siriane njoftojnë se më 6 qershor persona të armatosur sulmuan dy fshatra në provincën Hama dhe më pas forcat qeveritare dhe këta persona të armatosur shkëmbyen zjarr. Sipas të dhënave nga pala zyrtare siriane, në këtë incident ka pasur disa viktima, të paktën 9 prej të cilëve gra dhe fëmijë.

Një zyrtar anonim u deklaroi mediave se njoftimet e mëparshme, që bëjnë fjalë për më shumë se 80 viktima, janë të pabaza.

Mediat zyrtare siriane thonë gjithashtu se ky sulm ka si qëllim diskreditimin e qeverisë.

Ndërkaq, grupi opozitar sirian, Komiteti Bashkërendues Lokal, bëri të ditur se më 6 qershor ka vazhduar dhuna në disa krahina të Sirisë, duke shkaktuar 129 viktima, 86 ndër të cilat në Hama. (Jiang Lei/Artani)