Kina do të nxisë së bashku me palën ruse bashkëpunimin ekonomiko-tregtar mes vendeve anëtare të Organizatës së Bashkëpunimit të Shangait (OBSh). Kështu u shpreh kryeministri kinez Wen Jiabao gjatë takimit të së mërkurës me presidentin e Rusisë Vladimir Putin, që ndodhet për vizitë në Pekin.

Sipas kryeministrit kinez, megjithëse kriza financiare ndërkombëtare ka nxjerrë sfida serioze para Kinës dhe Rusisë, ajo është edhe një mundësi e mirë për zhvillimin e marrëdhënieve dypalëshe, sepse të dyja vendet kanë interesa të përbashkëta strategjike dhe mund të përmbushin kërkesat e ndërsjella në fushën ekonomike. Kina dëshiron të rritë cilësinë dhe të zgjerojë përmasën e bashkëpunimit me Rusinë në fushën e tregtisë, të investimeve, të energjisë, të teknologjisë së lartë dhe të re etj.

Kurse presidenti Putin u shpreh nga ana e tij se zhvillimi i të dyja vendeve ka ndikim të rëndësishëm mbi strukturën politike dhe ekonomike botërore. Nxitja e mëtejshme e partneritetit e të bashkëpunimit të gjithanshëm strategjik ruso-kinez, që është në përputhje me interesat dypalëshe, mund të jetë një ndihmesë edhe për zhvillimin paqësor të botës.

(Çan Yean/Artani)