Kryetari i shtetit i Kinës Hu Jintao takoi të martën në Pekin presidentin e Kirkizistanit Almazbek Sharshenoviç Atambayev që ndodhet për vizitë në Kinë, për të marrë pjesë në samitin e Organizatës së Bashkëpunimit të Shangait.

Gjatë bisedimeve, Hu Jintao paraqiti 5 propozime për nxitjen e bashkëpunimit real midis dy vendeve duke përfshirë forcimin e bashkëpunimit në fushën e ndërtimit të infrastrukturës ndërshtetërore, forcimin e bashkëpunimit energjetik, përmirësimin e klimës së investimeve, nxitjen e bashkëpunimit rajonal, forcimin e bashkëpunimit të sigurimit etj.

Nga ana e tij, presidenti i Kirkizistanit Almazbek Sharshenoviç Atambayev u shpreh se Kirkizistani shpreson të zgjerojë bashkëpunimin e shkëmbimet ekonomiko-tregtare me Kinën dhe do të vazhdojë ta përkrahë Kinën në problemet që lidhen me interesat thelbësore të saj. (Fani/Leftion Peristeri)