Pekini reagoi pas deklaratave të sekretares amerikane të Shtetit Hillary Clinton se qëndrimi i Rusisë e i Kinës ka penguar komunitetin ndërkombëtar të luftojë kundër pushtetit të presidentit sirian Bashar al-Assad.

Zëdhënësi i Ministrisë së Jashtme të Kinës Liu Weimin u shpreh se Kina nuk është pengesë e zgjidhjes së problemit të Sirisë, por përkundrazi është fuqi aktive për nxitjen e zgjidhjes së këtij problemi.

Liu Weimin i hodhi poshtë deklaratat e zonjës Clinton, duke shtuar se pikërisht përpjekjet aktive të komunitetit ndërkombëtar duke përfshirë rolin e Kinës kanë penguar futjen e Sirisë në luftë civile. (Fani/Leftion Peristeri)