Zv-i dërguari i posaçëm i OKB-së e Lidhjes Arabe për Sirinë Jean Marie Gueheno deklaroi të mërkurën pas mbledhjes së Këshillit të Sigurimit të OKB-së, se përpjekjet diplomatike nuk mund ta zgjidhin konfliktin. Gueheno shtoi se vetëm "dërgimi i sinjaleve të forta" do të ushtronte ndikim mbi situatën.

Më herët zv-i dërguari i posaçëm i OKB-së e Lidhjes Arabe për Sirinë Gueheno, u shpreh në Gjenevë se palët në konflikt duhet të premtojnë përsëri për ndalimin e dhunës.

Të mërkurën Këshilli i Sigurimit i OKB-së zhvilloi një mbledhje për Sirinë. Përfaqësuesi i përhershëm i Rusisë në OKB Vitali Çurkin i bëri përgjegjëse të gjitha palët për keqësimin e situatës në Siri. Ai shtoi se Rusia kundërshton ushtrimin e sanksioneve shtesë mbi Sirinë. (Fani/Leftion Peristeri)