Ma Zhaoxu tha se pjesëmarrësit në bisedime zhvilluan diskutime serioze dhe pozitive mbi programin bërthamor iranian, duke paraqitur pikëpamjet dhe qëndrimet e tyre. Të gjitha palët u shprehën se janë të gatshme që të ecin përpara, për të gjetur një zgjidhje të duhur nëpërmjet dialogut.
Ma Zhaoxu shtoi se përpjekjet e palës kineze janë vlerësuar nga palët e tjera dhe Kina do të vazhdojë të angazhohet për bisedimet e paqes dhe të luajë rol konstruktiv për zgjidhjen e gjithanshme të problemit bërthamor iranian.
Ndërkohë, Bashkimi Evropian e vlerësoi pozitivisht këtë raund të bisedimeve. Kryediplomatja e BE-së Catherine Ashton u shpreh në një konferencë shtypi se këtë herë janë nisur bisedimet për hollësirat. Konkretisht, 6 superfuqitë i kanë propozuar Iranit një projekt të qartë, ndërsa pala iraniane paraqiti një plan prej 5 pikash për zgjidhjen e problemit. Ashton tha se gjatë bisedimeve, Irani dhe 6 vendet e tjera kanë treguar vulnetin e tyre për nxitjen e dialogut dhe se raundi i radhës do të zhvillohet në Moskë në mes të qershorit.
Kryenegociatori iranian për çështjet bërthamore, Said Xhalili tha se bisedimet u zhvilluan me një atmosferë pozitive. Palët e ndryshme janë njohur më tej me pikëpamjet e njëra-tjetrës. Por, ai ritheksoi se Irani nuk do të heqë dorë nga e drejta për shfrytëzim paqësor të energjisë bërthamore.
(Jiang Lei/Albana)
