Presidenti i Komisionit Europian, Hose Manuel Barroso tha se Brukseli do të mbajë premtimet për Greqinë, mirëpo shpreson që edhe qeveria e Athinës ---qoftë qeveria e tanishme apo e ardhshmja---të zbatojë marrëveshjen e arritur për dhënien e ndihmës financiare.

Barroso theksoi se BE-ja respekton jo vetëm vullnetin e popullit grek, por edhe vullnetin e vendeve të Eurozonës që gjetën gjuhën e përbashkët për dhënien e ndihmës.

Komentet e tij u bënë gjatë një fjalimi në debatin e OKB-së në Nju Jork për gjendjen ekonomike dhe finaciare botërore.

Ndërkohë kompania "Fitch" uli vlerësimin për borxhet afatgjata greke në monedha të huaja nga B- në CCC, ndërsa borxhet afatshkurtra në monedha të huaja, u ulën nga B në C.

(Wang Xianya/ Ardi Pulaj)