Kryeministri kinez Wen Jiabao u takua më 25 prill në Varshavë me homologun e vet polak Donald Tusk. Të dy udhëheqësit arritën mendime unanime për thellimin e partneritetit strategjik mes Kinës e Polonisë dhe ranë dakord për formimin e sistemit të takimeve të rregullta, për të shtuar besimin e ndërsjellë politik dhe komunikimin strategjik.

Wen Jiabao tha në takim se pala kineze i kushton rëndësi të madhe potencialit të zhvillimit të Polonisë dhe ndikimit të saj në çështjet evropiane dhe ndërkombëtare. Ai shtoi se Kina është e gatshme që të forcojë shkëmbimet e nivelit të lartë dhe bashkëpunimin në fusha të ndryshme, për të çuar përpara partneritetin strategjik me Poloninë.

Donald Tusku tha nga ana e tij se marrëdhëniet polako-kineze ndodhen në nivelin më të lartë në histori dhe se Polonia është e gatshme që të forcojë dialogun politik me palën kineze dhe të respektojë rolin drejtues të sistemit të takimeve të rregullta të dy kryeministrave. Krahas kësaj, numri një i qeverisë polake theksoi se vendi i tij është i gatshëm që të luajë rol pozitiv për shtimin e mirëkuptimit mes Kinës dhe vendeve të Evropës Lindore, si dhe për zhvillimin e marrëdhënieve kino-evropiane.(Jiang Lei/Artani)