Në paraditen e së hënës, i shoqëruar nga kancelarja gjermane Angela Merkel, kryeministri kinez Wen Jiabao vizitoi pavijonin nr.6 të Panairit të Hanoverit, ku drejtoi ceremoninë e prerjes së shiritit në pavijonin qendror të Kinës. Pas kësaj ceremonie, Wen Jiabao dhe Angela Merkel vizituan pavijonet e ndërmarrjeve të famshme të Kinës dhe Gjermanisë, si Grupi i Automjeteve i Shangait, Grupi FAW, Siemens dhe ABB, duke u njohur me produktet përkatëse.

Gjatë vizitës, Wen Jiabao u shpreh se tani, marrëdhëniet ekonomiko-tregtare mes Kinës dhe Gjermanisë po zhvillohen me ritme të shpejta, bashkëpunimi teknik sapo ka lulëzuar dhe lidhjet ekonomike janë shumë të ngushta. Kina do të insistojë në politikën e hapjes, do të përpiqet më tej për ruajtjen e të drejtave të pronësisë intelektuale, duke mirëpritur ndërmarrjet e huaja të investojnë në Kinë.

Më pas, ata vizituan selinë e kompanisë Volkwagen, ku dëshmuan nënshkrimin e deklaratave të përbashkëta të Grupit të Automjeteve të Shangait dhe Grupit FAW me Volkswagen. (Jiang Lei/Albana)