Sipas njoftimeve të mediave siriane, grupi i parë prej pesë vëzhguesish të OKB-së filloi më 16 prill të mbikëqyrë zbatimin e armëpushimit në Siri.

Pjesëtarët e grupit u takuan pas mbërritjes të dielën në mbrëmje në kryeqytetin Damask me zyrtarë të Ministrisë së Jashtme të Sirisë, me të cilët diskutuan mbi hollësitë e zbatimit të detyrës së vëzhgimit.

Sipas rezolutës së Këshillit të Sigurimit të OKB-së, një mision i përbërë prej jo më shumë se 30 vëzhguesish ushtarakë të paarmatosur do të shkojë në Siri për të vendosur lidhje me qeverinë e opozitën dhe do të raportojë mbi zbatimin e armëpushimit. 25 anëtarët e tjerë të këtij misioni do të arrijnë në Siri brenda disa ditëve të ardhme.

Këshilltarja e presidentit të Sirisë për politikën e medien Buthaina Shaban tha më 15 prill në Damask se, pas mbërritjes së të 30 anëtarëve të misionit të posaçëm vëzhgues, qeveria siriane dhe OKB-ja do të nënshkruajnë një marrëveshje për këtë mision, ndërsa numri i vëzhguesve do të rritet deri në 250. (Çang Çuo/Artani)