I dërguari ndërkombëtar, Kofi Anan, nëpërmjet një letre për vendet anëtare të Këshillit të Sigurimit të OKB-së tha se palët e ndryshme duhet të bëjnë përpjekje për arritjen e armëpushimit të plotë para orës 6:00 të datës 12 prill. 

Po atë ditë, ministri i Jashtëm i Rusisë Sergei Lavrov u takua me homologun e tij sirian Walid al-Muallem, në Rusi.

"Tani qeveria siriane ka lehtësuar dhënien e lejehyrjeve në Siri për gazetarët e huaj dhe ka liruar disa prej personave të arrestuar për pjesëmarrjen në trazirat. Por, aktivitetet ushtarake lokale vazhdojnë të mos pakësohen," u shpreh ministri i Jashtëm sirian al-Muallem

Zëdhënësi i Shtëpisë së Bardhë Xhei Kerni (Jay Carney) tha se qeveria siriane nuk e ka përmbushur premtimin e saj për tërheqjen e trupave. 

"Aktualisht SHBA-ja nuk ka parë ndonjë shenjë të tërheqjes së trupave qeveritare, në të kundërt, provat flasin se qeveria siriane vazhdon të ushtrojë sulme të mëtejshme ndaj civilëve të pafajshëm .(Zhan Dian/Albana)