Zëdhënësi i Ministrisë së Punëve të Jashtme të Kinës Liu Weimin tha të martën gjatë një konference për shtyp se Pekini mbështet planin e paqes me gjashtë pika të Kofi Ananit dhe i bën thirrje qeverisë dhe opozitës siriane, që t'i përgjigjen pozitivisht këtij plani.

Zëdhënësi tha se propozimi i Ananit, që përfshin armëpushimin, duhet të merret në konsideratë dhe të zbatohet nga palët në Siri.

Sipas planit të të dërguarit të posaçëm të OKB-së dhe Lidhjes Arabe, e marta, është dita e fundit e afatit për vendosjen e armëpushimit. Por, pavarësisht kësaj, konflikti i armatosur brenda territorit të Sirisë vijon ende. (Sihai/ Ardi Pulaj)