Trupat qeveritare të Sirisë thuhet se janë angazhuar në luftime të reja me forcat rebele në të gjithë vendin, ndërkohë që i dërguari ndërkombëtar për Sirinë, Kofi Anan, po përgatitet të referojë në Këshillin e Sigurimit të Kombeve të Bashkuara për ecurinë e misionit të tij në vend.

Grupet aktiviste siriane kanë publikuar një video amatore ku tregohet për një numër shpërthimesh në zonat e trazuara të Homsit dhe Idlibit.

Observatori Sirian për Të Drejtat e Njeriut, me bazë në Britani, pretendon se janë vrarë tre civilë, pesë rebelë dhe një ushtar i qeverisë në Idlib.

Videoja amatore nga Idlibi tregon gjithashtu për një numër të madh protestuesish duke protestuar kundër regjimit të Bashar al-Asadit.

"Një rrënim që nuk mund të krahasohet. Këto janë shtëpitë. Këto janë dyqanet. Këtu gjenden dhe copa granatash. Zot i madh! Një shkatërrim që nuk ke me çfarë ta krahasosh. Raketa, mortaja dhe tanke zjarri T-72.

Shkatërrim i plotë. Raketat fluturojnë sipër kokave tona."

Një stuhi e nivelit të lartë të diplomacisë ka dështuar për të ndaluar dhunën njëvjeçare, që sipas OKB-së ka shkaktuar mbi 9 mijë viktima. (Albana)