Të martën qeveria siriane i dërgoi z. Kofi Anan një letër, ku shprehet se e pranon propozimin prej gjashtë pikash të paraqitur prej tij. Lidhur me këtë, Kina u kërkon qeverisë dhe palëve të tjera përkatëse në Siri të ndërmarrin veprime konkrete për të mbështetur përpjekjet e Kofi Ananit, i cili përfaqëson edhe qëndrimet e OKB-së dhe të Lidhjes Arabe.

Këtë e bëri të ditur zëdhënësi i Ministrisë së Jashtme të Kinës Hong Lei, i cili shprehu përsëri dëshirën e palës kineze që qeveria dhe fraksionet e tjera në Siri të mbajnë premtimet, duke nxitur përparimin e procesit të zgjidhjes politike të krizës në vend.

(Çan Yean/Artani)