Qeveria siriane ka rënë dakord për të pranuar propozimin 6 pikësh të paraqitur nga Kofi Anani për zgjidhjen e problemit të Sirisë. Komuniteti ndërkombëtar e ka pohuar këtë qëndrim të qeverisë siriane.

Përfaqësuesi i përhershëm i Gjermanisë në OKB Peter Wittig tha për gazetarët se pranimi i propozimeve nga qeveria siriane është "hapi i parë drejt rrugës së duhur", por duhet treguar prapësëprapë maturi.

Ndërkohë, sekretarja amerikane e Shtetit Hillari Klinton u shpreh se qeveria siriane duhet të marrë masa të menjëhershme për zbatimin e premtimeve të saj. Njëkohësisht ajo i kërkoi opozitës siriane të mbajë qëndrimin unik në samitin "Miqtë e Sirisë", që do të mbahet së shpejti.

Njoftohet se i dërguari i posaçëm i OKB-së dhe Lidhjes Arabe për krizën e Sirisë Kofi Anan tha në një deklaratë se qeveria siriane, nëpërmjet një letre me shkrim, ka rënë dakord për propozimin 6 pikësh. (Wang Lei/Albana)