Kina do të mbështetë përpjekjet e të dërguarit të posaçëm të OKB-së e të Lidhjes Arabe Kofi Anan për zgjidhjen e problemit të Sirisë. Qëndrimi u parashtrua nga kryeministri kinez Wen Jiabao gjatë takimit me z. Anan, që ndodhet për vizitë në Pekin.

Kreu i qeverisë kineze vuri në dukje se tani puna për zgjidhjen e krizës siriane ndodhet në një fazë kyçe. Kina ka besim të plotë në mençurinë diplomatike e përvojën e pasur të Kofi Ananit dhe beson se, me ndërmjetësimin e tij, do të arrihet një zgjidhje e drejtë dhe paqësore për problemin sirian.

Ndërsa z. Anan shprehu kënaqësinë për bashkëpunimin e ngushtë të palës kineze lidhur me çështjen e Sirisë dhe tha se puna e tij e tanishme si ndërmjetësues ka nevojë për ndihmë dhe përkrahje. (Çan Yean/Artani)