Zv/përfaqësuesi i përhershëm i Kinës në OKB, Wang Min tha të mërkurën se Pekini shpreson në përpjekjet e përbashkëta, marrjen e masave konstruktive dhe nisjen e dialogut për zgjidhjen e problemit bërthamor të Iranit.

Wang Min tha se me përpjekjet e SHBA-së, Rusisë, Britanisë së Madhe, Francës, Kinës, Gjermanisë dhe Iranit, palët u angazhuan për dialog serioz. Sipas tij, ky proces ka tendenca pozitive.

Ai tha gjithashtu se Irani si vend që ka nënshkruar "Traktatin e mospërhapjes së armëve bërthamore" ka të drejtat të shfrytëzojë energjinë bërthamore për qëllime paqësore, por në të njëjtën kohë duhet të përmbushë edhe detyrimet ndërkombëtare.

Wang shtoi se Pekini shpreson që Irani të forcojë më tej dialogun e bashkëpunimin me Agjencinë  Ndërkombëtare për Energjinë Bërthamore dhe që kjo e fundit të luajë një rol konstruktiv. (Çang Çuo/ Ardi Pulaj)