Më 16 mars nënkryetari i Shtetit i Kinës Xi Jinping u takua me zv.kryeministrin dhe ministrin e Jashtëm të Izraelit Avigdor Lieberman. Gjatë takimit Xi Jinping-u u shpreh se Kina i ka kushtuar gjithmonë forca zgjidhjes së gjithanshme, të barabartë dhe të arsyeshme të problemit të Lindjes së Mesme. Ai tha se palët përkatëse duhet t'i zgjidhin mosmarrëveshjet dhe të arrijnë unanimitet mendimesh për të realizuar paqen e gjithanshme dhe afatgjatë.

Z. Xi vuri në dukje gjithashtu se pala kineze është e mendimit se izraelitët e palestinezët dhe vendet e tjera arabe duhet t'i zgjidhin mosmarrëveshjet nëpërmjet bisedimeve politike mbi bazën e konventave përkatëse të OKB-së, të parimeve të shkëmbimit të tokës për paqe etj.

Nga ana e tij zv.kryeministri izraelit Lieberman shprehu kënaqësi për vlerësimin e Xi Jingping-ut lidhur me marrëdhëniet dypalëshe, si dhe tha se pala izraelite shpreson të arrijë paqen dhe bashkekzistencën paqësore me vendet arabe. (Vera/Artani)