Gazeta kineze "Renminribao" do të publikojë në numrin e 15 marsit një koment, ku do të shprehen urimet e ngrohta për zhvillimin me sukses të sesionit të 5-të të legjislaturës së 11-të të Asamblesë Kombëtare Popullore të Kinës (AKP).

Në këtë artikull vihet në dukje që arritje kyçe e këtij sesioni është miratimi i amendamentit të Kodit të Procedurës Penale, pasi ky amendament mbështetet në situatën e përgjithshme në Kinë dhe në parimin e "respektimit dhe të garantimit të të drejtave të njeriut". Sipas komentit, amendamenti balancon ndëshkimin penal me mbrojtjen e të drejtave të njeriut dhe e çon më tej sistemin e tanishëm në rrugën ligjore, demokratike dhe shkencore.

Krahas kësaj, edhe me Kodin Zgjedhor të rishikuar do të mundësohen në legjislaturën e 12-të zgjedhjet në bazë të përpjesëtimit të njëjtë të popullsisë në zonat urbane dhe rurale. Ky është një hap i madh në zhvillimin e politikës së socializmit demokratik në Kinë.(Jiang Lei/Artani)