Kryeministri kinez Wen Jiabao duke folur të mërkurën për marrëdhëniet ekonomiko-tregtare mes Kinës dhe SHBA tha se çështja e pabarazisë tregtare mes dy vendeve duhet të zgjidhet nëpërmjet bashkëpunimit.

Shefi i qeverisë së Pekinit i bëri komentet gjatë një konference për shtyp para gazetarëve kinezë e të huaj, në kuadër të sesionit të 5-të të legjislaturës së 11-të të Asamblesë Kombëtare Popullore të Kinës.
 
Wen Jiabao tha se në vitin 2009 dhe 2011, zhvilloi bisedime të rëndësishme me presidentin amerikan Barak Obama për zgjidhjen e mosmarrëveshjeve në marrëdhëniet tregtare kino-amerikane, ku u paraqitën edhe disa propozime. 

Sipas tij, ato përfshijnë shtimin e importit të produkteve amerikane në Kinë dhe heqjen nga SHBA-ja të kufizimit të eksporteve nga Kina, shtimin e investimeve të dyanëshme, forcimin e bashkëpunimit në fushën e teklonogjisë së lartë dhe të infrastrukturës etj.

Kryeministri Wen Jiabao shtoi se presidenti Obama i kushton rëndësi të veçantë këtyre propozimeve dhe se të dyja palët kanë filluar t'i shqyrtojnë ato. (Fani/ Ardi Pulaj)