24 filma janë përzgjedhur për të vijuar garën për Çmimet e Shoqatës së Regjisorëve të Kinës kontinentale, ndër të cilët edhe filmi fitimprurës i regjisorit Jiang Wen "Plumbat le të fluturojnë". Tre kriteret e përzgjedhjes janë që regjisori të jetë nga pjesa kontinentale e Kinës, që filmi të jetë shfaqur në kinema në vitin 2011 dhe që kompania kinematografike të jetë e regjistruar në Shoqatën e Regjisorëve.

Filmi i pëlqyer i Tsui Harkut "Shpatat fluturuese në portën e dragoit" nuk arriti të hyjë në listën e kandidaturave, sepse Harku nuk është nga pjesa kontinentale. Po ashtu, edhe "Lulet e luftës" i Zhang Yimou-t mungon në listë për shkak se kompania kinematografike që ka prodhuar këtë film, nuk është e regjistruar në Shoqatën e Regjisorëve.

Pas votimit të 319 anëtarëve të Shoqatës së Regjisorëve, pritet që lista përfundimtare e kandidatëve të shpallet të hënën më 12 mars. (Artani)