Dy sesionet vjetore të Kinës kanë zënë një vend të rëndësishëm në mediat ndërkombëtare. Ato janë përqëndruar në raportin e punës së qeverisë, të bërë nga kryeministri kinez Wen Jiabao, ku objektivi i parashikuar i rritjes ekonomike ulet për herë të parë gjatë 8 viteve të fundit në 7.5%, duke i kushtuar një vëmendje të veçantë zgjerimit të konsumit.

Në artikullin e gazetës amerikane "Wall Street Journal" thuhet se ulja e objektivit të rritjes ekonomike kineze në 7.5% do të thotë se Kina nuk do të nxisë më ekonominë nëpërmjet investimeve, përkundrazi do të përmirësojë strukturën ekonomike duke zgjeruar kërkesat e brendshme.

Ndërsa në artikullin e agjencisë së lajmeve "Bloomberg" thuhet se përcaktimi i objektivit të rritjes ekonomike në 7.5% tregon se Kina po fillon t'i kushtojë vëmendje cilësisë së zhvillimit ekonomik. (Fani/ Ardi Pulaj)