I dërguari i posaçëm për krizën në Siri dhe ish-shefi i OKB-së, Kofi Anan pritet të takohet të shtunën në kryeqytetin sirian Damask me presidentin Bashar al-Asad. Lajmi u bë i ditur nga sekretari i përgjithshëm i OKB-së Ban Ki Moon.

Ai shtoi se së bashku me Kofi Ananin dhe sekretarin e përgjithshëm të Lidhjes Arabe, Nabil el-Araby zhvilluan një bisedë telefonike për Sirinë dhe mendojnë se detyrë parësore është ndalimi i të gjithave veprimeve të dhunshme.

Ndërkohë përfaqësuesja e lartë e Bashkimit Evropian për politikën e jashtme dhe sigurinë, Katherine Eshton tha se vendet e BE-së kanë një qëndrim të unifikuar për Sirinë dhe se përkrahin planin e Lidhjes Arabe. (Fani/ Ardi Pulaj)