Zëdhënësi i Shtëpisë së Bardhë Xhei Kerni (Jay Carney) tha se pas rifillimit të bisedimeve lidhur me programin bërthamor midis Iranit dhe SHBA-së, Rusisë, Anglisë, Francës, Kinës dhe Gjermanisë, pala amerikane do të vendosë sipas veprimeve dhe qëndrimit të Iranit për zgjidhjen e problemit.

"Pas rifillimit të bisedimeve bërthamore, SHBA-ja i kërkoi Iranit të përmbushë detyrimet ndërkombëtare dhe të garantojë se nuk ka synim zhvillimin e armëve bërthamore," u shpreh Xhei Kerni në një konferencë shtypi në Shtëpinë e Bardhë.

Bashkimi Europian bëri të ditur të martën se 6 vendet dëshirojnë të rifillojnë bisedimet bërthamore me Iranin dhe shprehu shpresën që pala iraniane do të vazhdojë dialogun konstruktiv me 6 vendet, për të arritur përparim konkret. Koha dhe vendi i bisedimeve nuk janë përcaktuar ende. (Sihai/ Albana)