Sipas tij, qeveria duhet të kërkojë qartë se rajonet e ndryshme duhet të përfshijnë fëmijët e punëtorëve emigrantë në sistemin e edukimit të detyrueshëm të qytetit, në anën e investimit të shpenzimeve të ndërtimit të infrastrukturës arsimore dhe të burimeve të mësuesve, në mënyrë që numri i fëmijëve të kësaj kategorie të shtohet në numrin e të përgjithshëm të nxënësve. Shen Zhigang kërkon edhe anulimin e strukturës me dy standarde të sistemit administrativ të edukimit, duke ofruar të drejta plotësisht të barabarta në arsim.
Qeveritë lokale dhe ajo qendrore duhet të studiojnë sistemin e garantimit të kuotave për fëmijët e punëtorëve emigrantë, thotë Shen. Sipas tij, në buxhet duhet të sigurohen së pari fondet e duhura për përmirësimin e nivelit të infrastrukturës së arsimit të detyrueshëm të fëmijëve të punëtorëve emigrantë. Njëkohësisht duhet të studiohen edhe mënyrat e zhvillimit të shkollave për këta fëmijë, nëse ka kushte duhet të transferohen gradualisht në shkolla të financuara nga qeveria, ose në ato private, por të ndihmuar nga qeveria, tha përfaqësuesi i Asamblesë Kombëtare Popullore të Kinës Shen Zhigang. (Vera/ Ardi Pulaj)
