Më 27 shkurt zëdhënësi i Ministrisë kineze të Punëve të Jashtme Hong Lei u shpreh në Pekin se Kina shpreson që palët e ndryshme të kapin shansin për të rifilluar sa më parë procesin e dialogut, me qëllim që të gjejnë rrugën efikase për zgjidhjen e plotë e afatgjatë të problemit bërthamor të Iranit.

Hong Lei theksoi se Agjencia Ndërkombëtare e Energjisë Atomike, si një organizatë ndërkombëtare me autoritet në fushën e shfrytëzimit paqësor të energjisë bërthamore, ka luajtur dhe luan rol të rëndësishëm dhe të pazëvendësueshëm në trajtimin e problemit bërthamor iranian dhe duhet të vazhdojë të punojë për zhvillimin e dialogut dhe të bashkëpunimit me Iranin. Ndërsa Irani nga ana e tij duhet të vazhdojë të tregojë sinqeritet dhe të forcojë bashkëpunimin me Agjencinë Ndërkombëtare të Energjisë Atomike. (Sihai/Artani)