Një zyrtar i Kompanisë Kombëtare Iraniane të Naftës mohoi se Irani ka refuzuar furnizimin e Greqisë me 500 mijë fuçi naftë.

Mediet iraniane, duke cituar fjalët e këtij zyrtari, bënë të ditur se Irani po vazhdon të eksportojë naftë për konsumatorë të huaj dhe nuk ka ndërprerë asnjëherë eksportin e naftës së papërpunuar për Greqinë.

Disa ditë më parë një zyrtar i Ministrisë iraniane të Naftës u shpreh se nëse Bashkimi Europian do të vazhdojë veprimet "armiqësore", Irani do të ndërpresë eksportin e naftës për Portugalinë, Spanjën, Italinë, Greqinë, Gjermaninë dhe Holandën. Sipas këtij zyrtari, vendet që duan të importojnë naftë nga Irani duhet të nënshkruajnë kontratë afatgjatë pa parakushte. (Wang Xianya/Albana)