Zëdhënësi i Shtëpisë së Bardhë Jay Carney shprehu keqardhjen e SHBA-së për bisedimet mes Iranit dhe Agjencisë Ndërkombëtare të Energjisë Bërthamore (IAEA), të cilat nuk patën asnjë rezultat konkret.

Pas bisedimeve me dyer të mbyllura mbi çështjen bërthamore të Iranit, të mërkurën, Agjencia Ndërkombëtare e Energjisë Bërthamore publikoi një deklaratë, ku thuhet se pati dallime mes palëve për vizitën e delegacionit të kësaj agjencie në bazën ushtarake të Parchinit.

Zëdhënësi Carney tha në një konferencë për shtyp se megjithëse Agjencia Ndërkombëtare e Energjisë Bërthamore mund të vizitojë bazat bërthamore në Qom dhe Natanz, kërkesat për të inspektuar bazat e tjera janë refuzuar nga pala iraniane. Sipas Carney, kjo tregon se Irani ende refuzon të përmbushë detyrimet ndërkombëtare. (Jiang Lei/ Ardi Pulaj)