Lideri suprem i Iranit Ajatollahu Ali Khamenei u shpreh të mërkurën se do të vazhdojë ta nxisë përparimin e teknologjisë bërthamore brenda mundësive që ka vendi dhe se nuk do të hiqet dorë për shkak të sanksioneve dhe presionit të Perëndimit.
Deklarata e Khamenei erdhi gjatë takimit me zyrtarë dhe shkencëtarë të Organizatës së Energjisë Atomike të Iranit. Ai shtoi rritja e nivelit të teknologjisë bërthamore është në përputhje me interesin dhe të ardhmen e vendit. "Sanksionet, presionet, kërcënimet dhe atentatet tregojnë vetëm paaftësinë e "vendeve mendjemadhe", të cilat jo vetëm nuk mund ta ndalojnë përparimin e Iranit, por përkundrazi, do na bëjnë më të fuqishëm," tha Khamenei.
Sipas tij, Irani nuk do të tentojë kurrë të zhvillojë as të studiojë a prodhojë armë bërthamore. "Përhapja e armëve bërthamore nuk ka kuptim sepse ato janë jo vetëm shkatërruese por edhe të rrezikshme," përfundoi Khamenei. (Çan Yean/Leftion Peristeri)