Më 19 shkurt Ministria e Naftës e Iranit shpalli në uebsajtin e saj se Irani ka ndaluar shitjen e naftës për kompanitë britanike e franceze.
Zëdhënësi i kësaj ministrie Alireza Nikzad-Rahbari tha se Irani ka klientët e vet dhe nuk ka asnjë problem për shitjen e naftës. Ai u shpreh se Irani do t'ua shesë naftën klientëve të rinj.
lidhur me këtë zëdhënësi i Ministrisë së Punëve të Jashtme të Kinës Hong Lei u bëri thirrje po atë ditë në Pekin palëve të ndryshme të rikthehen në orbitën e dialogut.
Më 15 shkurt Televizioni Iranian i Lajmeve njoftoi se Irani vendosi të ndalojë shitjen e naftës për Francën, Holandën, Italinë, Spanjën, Greqinë dhe Portugalinë. Por ky lajm u mohua nga pala zyrtare iraniane.
Industria e naftës është sektori më jetik në ekonominë iraniane. Si vendi prodhues i naftës i dytë për nga madhësia në Organizatën e Vendeve Eksportuese të Naftës (OPEK), Irani eksporton 2.6 milionë fuçi nafte në ditë, rreth 20 % nga të cilat në vendet e BE-së, duke përfshirë kryesisht Italinë, Spanjën dhe Greqinë.
