Protestuesit u përleshen sërish me policinë greke në qendër të Athinës gjatë demonstratave kundër planit të ri qeveritar të shkurtimeve.

Një bombë artizanale u hodh drejt kordonit policor dhe u njoftua për të paktën një të plagosur.

Sekretari i përgjithshëm i sindikatës së konfederatës së punës, Stathis Anestis tha se politikat qeveritare po e çojnë vendin drejt katastrofës.

"Ata (politikanët) po insistojnë për një politikë që po na mbyt dhe po na çon drejt katastrofës. Ata duhet të kuptojnë se në jetën reale, kjo politikë është shkatërrimtare, si për shoqërinë, ashtu edhe për ekonominë. Prandaj ne vazhdojmë me protestat dhe do të vijojmë deri sa ata të këmbëngulin për këto politika", tha Anestis.

Protestat në Greqi zhvillohen kundër planit të shkurtimeve të qeverisë, një kusht i vendosur nga ndërkombëtarët për të marrë ndihmën e rradhës ekonomike. (Ardi Pulaj)